നിലാവാണ്‌ പ്രണയം

നിലാവാണ്‌ പ്രണയം..!!
കാലത്തിന്‍ കറുത്ത മേഘങ്ങളാല്‍ ഇടയ്ക്കിടെ മൂടുന്നത്..
നിലാവാണ്‌ പ്രണയം..!!

ജീവിതത്തിന്‍ ഉദയാസ്തമനങ്ങള്‍ക്കിടയില്‍  ജനിച്ചു മരിക്കുന്നത്..

മനസ്സളക്കാനുള്ള ഉപകരണം

അളവുകളെക്കുറിച്ചും 

തൂക്കങ്ങളെക്കുറിച്ചം

പഠിപ്പിച്ച ഗുരുവിനോട് 

അന്നേ അവള്‍ ചോദിച്ചത് 

മനസ്സളക്കാനുള്ള 

ഉപകരണത്തെക്കുറിച്ചാണ് 

അതിന്റെ ഉത്തരം 

അന്നേ ഗുരു നല്‍കിയിരുന്നെങ്കില്‍ 

ഇന്ന്  അവള്‍ക്കു കിണറിന്റെ ആഴം -

അളക്കേണ്ടി വരുമായിരുന്നില്ല