നീലേശ്വരം.....

ഒരിക്കല്‍ അച്ഛന്റെയും അമ്മയുടെയും കൈകളില്‍ തൂങ്ങി നടത്തിയ ഒരു തീവണ്ടിയാത്ര അവസാനിച്ചത്‌ ഇവിടെയായിരുന്നു.... ഞാന്‍ എന്ന ശിശു, "ഞാന്‍" എന്ന മനുഷ്യനായി മാറുന്നത് ഈ നാട്ടില്‍ വച്ചാണ്..കാലുകള്‍ ഉറപ്പിച്ചു വെക്കാനും അക്ഷരങ്ങള്‍ അമര്തിയെഴുതാനും ഞാന്‍ പഠിച്ചത് ഈ മണ്ണില്‍ വച്ചാണ്..വിപ്ലവവും സാഹിത്യവും എന്റെ സിരകളിലേക്ക് പടര്‍ന്നത് ഇവിടെവച്ചാണ്.. എന്റെയുള്ളില്‍ ഇന്നും ജീവനോടെ ബാക്കി നില്‍ക്കുന്ന നാടന്‍ മനുഷ്യന്‍, അതുകൊണ്ട് തന്നെ ഒരു കാസര്ഗോടുകാരനാണ്.. അതുകൊണ്ടാണ് ജീവിതത്തിലെ എത്ര വലിയ പ്രതിസന്ധികളുടെ നേര്‍ക്ക്‌ നോക്കിയും "എന്തിയാന്‍ ചാവ്...." എന്ന് പറഞ്ഞു കൊണ്ട് അവയെ തരണം ചെയ്യാന്‍ കഴിയുന്നത്‌..